ಸೋಮವಾರ, ಸೆಪ್ಟೆಂಬರ್ 6, 2021

📖 ಹೃದಯದಿ ನಮಿಸುವೆ ಓ ಗುರುವೇ...📖


ಜೀವದ ಗುರುವೇ 

ಭಾವದ ಗುರುವೇ

ಹೃದಯದಿ ನಮಿಸುವೆ ಓ ಗುರುವೇ...

ಬಳಪದ ಬೆಳಕಲಿ

ಕತ್ತಲ ಓಡಿಸಿ

ಅಕ್ಷರ ಕಲಿಸಿದೆ ನಮಗೆ!..ಆಹಾ  

||ಪಲ್ಲವಿ||




ನೇಗಿಲಯೋಗಿಯು ಹಾಡಿದ ಹಾಗೆ

ಅಜ್ಜಿಯ ಜಂಭವು ಕರಗಿದ ಹಾಗೆ

ಗಲಿವರ ಕತೆಯ ಕೇಳುತಲಿರಲು;

 ಅಚ್ಚರಿ ಲೋಕವು ಅರಳಿದ ಹಾಗೆ!

ಕನ್ನಡ ಕಲಿಯಲು ಸಕ್ಕರೆಯಂತೆ

ಅಕ್ಷರ ಬರೆಯಲು ಮುತ್ತುಗಳಂತೆ

ಬಾಲ್ಯದ ನೀತಿಯ ಪಾಠಗಳೆಲ್ಲವೂ

ಗುರುಗಳು ನೀಡಿದ ವರವೋ.... ಆಹಾ

||ಪಲ್ಲವಿ||


ಶಾಲೆಯ ಪರಿಸರ ನೋಡಲು ಚೆಂದ

ಹೊರಗಿನ ಅಂಗಳ ಮನಸ್ಸಿಗೆ ಅಂದ

ಗೆಳೆಯರ ಜೊತೆಯಲಿ ಆಡುತಲಿದ್ದರೆ 

ಹೇಳಲು ಆಗದ ಪರಮಾನಂದ!

ಹೋಮ್ ವರ್ಕ್ ಬರೆಯದೇ ಆಡಿದ ಆಟ

ಟೀಚರ್ ಕಲಿಸಲು ಸುಂದರ ಪಾಠ

ಬಾಲ್ಯದ ಗುರುಗಳ ಮಾತುಗಳೆಲ್ಲವೂ

ಬದುಕಿಗೆ ನೀಡಿದ ಗುರಿಯೋ... ಆಹಾ!!

||ಪಲ್ಲವಿ||



~ ಎಂ. ಕೆ. ಹರಕೆ







2 ಕಾಮೆಂಟ್‌ಗಳು:

ಏನಾದರೂ ಮಾಡು!

  "ಏನಾದರೂ ಮಾಡು ಶ್ರದ್ಧೆಯಿಂದ ಮಾಡು" ಬಯಸದೆ ಬಂದವರಿಲ್ಲ ಬೇಯದೆ ಹೋಗುವರಿಲ್ಲ! ಬೀಳದೆ ಗೆದ್ದವರಿಲ್ಲ ಬಾಳಲಿ ನೋವೆ ಎಲ್ಲ! (ಚಿತ್ರಕೃಪೆ: ಅಂತರ್ಜಾಲ) ಹೇಳುವು...