📖 ಹೃದಯದಿ ನಮಿಸುವೆ ಓ ಗುರುವೇ...📖

ಜೀವದ ಗುರುವೇ 

ಭಾವದ ಗುರುವೇ

ಹೃದಯದಿ ನಮಿಸುವೆ ಓ ಗುರುವೇ...

ಬಳಪದ ಬೆಳಕಲಿ

ಕತ್ತಲ ಓಡಿಸಿ

ಅಕ್ಷರ ಕಲಿಸಿದೆ ನಮಗೆ!..ಆಹಾ  

||ಪಲ್ಲವಿ||

ನೇಗಿಲಯೋಗಿಯು ಹಾಡಿದ ಹಾಗೆ

ಅಜ್ಜಿಯ ಜಂಭವು ಕರಗಿದ ಹಾಗೆ

ಗಲಿವರ ಕತೆಯ ಕೇಳುತಲಿರಲು;

 ಅಚ್ಚರಿ ಲೋಕವು ಅರಳಿದ ಹಾಗೆ!

ಕನ್ನಡ ಕಲಿಯಲು ಸಕ್ಕರೆಯಂತೆ

ಅಕ್ಷರ ಬರೆಯಲು ಮುತ್ತುಗಳಂತೆ

ಬಾಲ್ಯದ ನೀತಿಯ ಪಾಠಗಳೆಲ್ಲವೂ

ಗುರುಗಳು ನೀಡಿದ ವರವೋ.... ಆಹಾ

||ಪಲ್ಲವಿ||

ಶಾಲೆಯ ಪರಿಸರ ನೋಡಲು ಚೆಂದ

ಹೊರಗಿನ ಅಂಗಳ ಮನಸ್ಸಿಗೆ ಅಂದ

ಗೆಳೆಯರ ಜೊತೆಯಲಿ ಆಡುತಲಿದ್ದರೆ 

ಹೇಳಲು ಆಗದ ಪರಮಾನಂದ!

ಹೋಮ್ ವರ್ಕ್ ಬರೆಯದೇ ಆಡಿದ ಆಟ

ಟೀಚರ್ ಕಲಿಸಲು ಸುಂದರ ಪಾಠ

ಬಾಲ್ಯದ ಗುರುಗಳ ಮಾತುಗಳೆಲ್ಲವೂ

ಬದುಕಿಗೆ ನೀಡಿದ ಗುರಿಯೋ... ಆಹಾ!!

||ಪಲ್ಲವಿ||

~ ಎಂ. ಕೆ. ಹರಕೆ