ಅಭಿಮಾನಿ

ನಿನಗಾಗೆ ನನ್ನೊಲವು  ಬರೆಯುತಿದೆ ಓ ಗೆಳತಿ

ನನಗಾಗಿ ಒಂದೊಮ್ಮೆ ; ಓದೇ ಒಲವಿನ ಒಡತಿ!!

ಕಾಯಿಸಿ ಕಾಯಿಸಿ ನೀ

ಕಾಯಿಲೆಯ ಬರಿಸದಿರು

ಕಾಯುವ ಎಣ್ಣೆಯಲಿ

ನನ್ನೆದೆಯ ಕುದಿಸದಿರು!!

ಅದೃಷ್ಟವೋ ಅವಕಾಶವೋ 

 ಅವತರಿಸಿದೆ ಕಣ್ಮುಂದೆ

ಹೊಂಬೆಳಕ ರಶ್ಮಿಯಲಿ

ನಸುನಗೆಯ ಚುಂಬಿಸಿದೆ !!

  (ಚಿತ್ರಕೃಪೆ: ಅಂತರ್ಜಾಲ)

ಮೇಕಪ್ಪಿನ ಮಹಾಪಾಪ

ನಿನ್ನ ವದನಕೆ ಬೇಕಿಲ್ಲ

ಸಿಂಗಾರದ ಸಂಕೋಲೆ

ನಿನ್ನ ಸಿರಿಗೆ ಸಮವಿಲ್ಲ !!

ಮೌನದ ಮಾತಲ್ಲೇ 

ನಿನ್ನ ಗುಂಗ ಹಿಡಿಸಿದೆ!

ಇಂಪಾದ ಹಾಡಲ್ಲೇ

ನನ್ನ ಹೃದಯ ತಣಿಸಿದೆ!!

ಅನುದಿನವು ಅನುಕ್ಷಣವು

ಅಭಿಮಾನಿಯೇ ನಾ ನಿನಗೆ

ಅನವರತ ಪ್ರೇಮದಲಿ

ಹಾಡುವೆಯಾ? ನೀ ನನಗೆ!!

~ ಎಂ. ಕೆ. ಹರಕೆ